اورمیه و سولدوز’و وئبلاگ ایله قورتاردیق!
آوریل 27, 2008
گئچنلرده آنایوردوم وئبلاگیندا، وئبلاگ یازاق می؟ یازمایاق می؟ وئبلاگین دگری وار می؟ یوخ مو؟ 3-4 سطیر مطلب یازماق ایله هارانی توتاجاغیق کی؟! بحثلریندن صؤحبت اولموشدو. گئدیب او یازینی آختاریب تاپدیم و سیزه سونورام:
دونن وئبلاق بحثي دوشدو…اوچ-دؤرد نفرين آراسيندا بئله بير دانيشيق اولدو:
- نئچه ايل دير سندن بير ايش-ميش، شئعر-مئعر گؤرموروك!
- يوخ داي ايستيرم بوندا سونرا چاليشام، بير دنه وئبلاق ووروب و اوندا شئعرلريمي ياياجايام.
- وئبلاق!!!؟… وئبلاق دا اولدو ايش!؟ منيم بئش-اون(!) دنه وئبلاق واريم ايدي(!). لاپ ايشي دوز وئبلاقلارا گونده 4-5 نفر باش وورور.
- …
آرخايينام كي وئبلاق ووران يولداش، سوستلاشدي! دليلي ايسه، تك باشينا بئش-اون دنه وئبلاق وورانين، وئبلاقين نه اولدوغونو بيلمهمك، ايدي. اصلي نهدن ايسه من و سن كيمي وئبلاق يازيب-اوخويانلارين تقصيري دير كي وئبلاق كيمي مودئرن ايليشگي تئكنولوژيسي نين اؤنملريني تانيتديرماييب و تكجه فيكريميز بو وئبلاقين گونجهلهمهيينده اولوبدور؛ البته قارقيش اولسون بيز ايچين
گئج و دونيا ايچين يئيين گئچن زمانهيه!
بو گون سولدوز و اورمیهده سئچیمی اوتموشوق. نه ایله اوتموشوق؟ بیر-ایکی دنه وئبلاگ، ایکی-اوچ دنه CD، و گونده بیر-ایکی ساعات واخت ایله…
آزربایجانی …ستان یاپماق ایستهینلر، آزربایجان ایرادهسی قارشیسیندا بیر داها ازیلدیلر. “وئبلاق دا اولدو ايش!؟” دئین آداملار عیبرت آلسینلار. ساواشی اوتدوق، باریشی اوتماغین تکجه یولو یئنه یازماقدیر… دوشمان تپهنین دالیندا گیزلنیب، هاوا قارالینجا آخین ائدهجک. یوخو واختی دئییل. اویانماق گرکدیر. اویانماق، اویانماق…
Entry Filed under: اورمیه, تورکجه, کورد یاییلماچیلیغی-تئرورو. برچسبها: سولدوز(نقده), غربی آزربایجان ویلایتی.
Trackback this post | Subscribe to the comments via RSS Feed