غریب شهرین هؤنکورتولری / مسیح آغا محمدی
ژانویه 5, 2009
غریب شهرین هؤنکورتولری
1918جی ایلده گونئی آزربایجانین غرب بؤلگهسینده ائرمنی-آسوری(آشوری) سیلاحلی بیرلشمهلرینین خالقیمیزا قارشی تؤرهتدیگی سویقیریم آکتینین جانلی شاهیدینین خاطیرهلری نشر اولونوب.
اورمییهدهکی «یاز» نشریاتی «غریب شهرین هؤنکورتولری» باشلیغی ایله غولام خان حیشمتین خاطیرهلرینی کیتاب حالیندا چاپ ائدیب. 232 صحیفهلیک بو کیتاب بیرینجی دونیا موحاریبهسی ایللرینده اورمییه اطرافیندا باش وئرمیش «جیلوولوق» فاجیعهسینی(ائرمنی-آسوری سیلاحلی دستهلرینین او واخت اورمییه-سالماس-خوی بؤلگهسینده حیاتا کئچیردیگی کوتلهوی قیرغین گونئیده بئله آدلاندیریلیر – م.م.) و اوندان سونرا شیکاک(شهککهک) کورد طایفاسینین باشچیسی ایسماییل سیمیتقونون (اسماعیل آغا شکاک سیمیتقو/سیمکو) تؤرهتدیگی حادیثهلری عکس ائتدیرن مؤعتبر تاریخی منبعدیر.
غولام خان اورمییهنین مالیکلریندان بیری اولموش و 1954جو ایلده دونیاسینی دهییشمیشدیر. حاضیردا اورمییه بازارینین بیر بؤلومو اونون آدی ایله «غولام خان راستاسی» کیمی مشهوردور. اونون خاطیرهلری اوغلو «فیروز حیشمت» طرفیندن ایللرله قورونوب ساخلانمیش و نهایت، چاپ اولونماق اوچون «یاز» نشریاتینا تقدیم ائدیلمیشدیر.
جیلوولوق
غولام خان حیشمتین خاطیرهلرینده عکس اولونموش دؤورون حادیثهلرینی تانینمیش گونئیلی تاریخچی، مرحوم صمد سردارینیا ییغجام شکیلده بئله تصویر ائتمیشدیر: «عوثمانلی آسوری(آشوری)لری بیرینجی دونیا موحاریبهسینده عوثمانلی دؤولتینه قارشی ساواشدا روسییهنی حیمایه ائتدیکلری اوچون مغلوب اولوب ایرانا قاچدیلار، غربی آزربایجانین شهر و کندلرینده، او جوملهدن، اورمییه و سالماسدا مسکن سالدیلار. گونئی آزربایجان اهالیسی بو چاغیریلمامیش قوناقلاری مئهریبانلیقلا قبول ائتدی. لاکین چوخ کئچمهدن اینگیلیسلر بو آسوری(آشوری) قاچقینلارینی قافقازدان قاچیب گلمیش ائرمنیلرله(یئرلی ائرمنی و آسوری(آشوری)لری ده اونلارا قوشاراق) بیرگه سیلاحلاندیریب گونئی آزربایجانین غرب بؤلومونده بیر خیریستیان دؤولتی یاراتماق ایستهدیلر. بئله بیر دؤولتین یارانماسی ایسه بو ایالتده یاشایان موسلمانلارین(آزربایجان تورکلرینین – م.م.) سویقیریمی باهاسینا باشا گلمهلی ایدی. بئلهلیکله ده، ائرمنی و آسوری(آشوری)لردن عیبارت سیلاحلی خریستیان اوردوسو قیسا زاماندا اورمییه، سالماس و کؤهنهشهرده 130000 نفردن چوخ یئرلی موسلمان اهالینی سون درجه آجیناجاقلی و فاجیعهلی شکیلده قیریب تؤکدو. بو کوتلوی قیرغینلار نتیجهسینده بو جینایتکارلارین چیرکین مقصدی آز قالا گئرچکلهشهجکدی، لاکین عوثمانلی اوردوسونون گلیشیندن سونرا اونلارین بوتون اییرهنج پیلانلاری بوش چیخدی».
ائرمنی و آسوری(آشوری)لردن عیبارت سیلاحلی خریستیان اوردوسو قیسا زاماندا اورمییه، سالماس و کؤهنهشهرده 130000 نفردن چوخ یئرلی موسلمان اهالینی سون درجه آجیناجاقلی و فاجیعهلی شکیلده قیریب تؤکدو
علاوه ائدیم کی، همین دؤورده گونئی آزربایجانین غرب بؤلگهسینده [ائرمنی]آندرانیک، [جیلوو]مارشیمون، [آغا]پئتروس کیمی قاتیللرین وحشی عمللرینه سون قویموش عوثمانلی عسکرلرینین باشیندا ژئنئراللار خلیل پاشا و علی ائحسان پاشا دایانیردی…
قایناق: گلهجهک گون(مسیح آغا محمدینین وئبلاگی) – «غریب شهرین هؤنکورتولری»
Entry Filed under: آشوری مظالیمی-جیلوولوق, ائرمنی مظالیمی-تئرورو, تورکجه. .
2 Comments Add your own
Leave a Comment
Some HTML allowed:
<a href="" title=""> <abbr title=""> <acronym title=""> <b> <blockquote cite=""> <cite> <code> <pre> <del datetime=""> <em> <i> <q cite=""> <strike> <strong>
Trackback this post | Subscribe to the comments via RSS Feed
1. links for 2009-01-06 « تورکوک بیز Türkük Biz | ژانویه 6, 2009 at 9:32 ق.ظ
[...] غریب شهرین هؤنکورتولری / مسیح آغا محمدی 1918جی ایلده گونئی آزربایجانین غرب بؤلگهسینده ائرمنی-آسوری(آشوری) سیلاحلی بیرلشمهلرینین خالقیمیزا قارشی تؤرهتدیگی سویقیریم آکتینین جانلی شاهیدینین خاطیرهلری نشر اولونوب [...]
2.
dd | می 20, 2009 at 4:01 ب.ظ
http://balatarin.com/permlink/2009/5/20/1593763
اهانت نماینده احمدی نژاد به اسطوره آذربایجان: باقر خان یک لات قمارباز بود