1372/1/22 آزربایجان آدی اردبیل ویلایتیندن قالدیریلدی
آوریل 11, 2008 at 9:00 ب.ظ. ۱ دیدگاه
اونوتمایاق: قوتسال و ابدی آزربایجان آدی قایتاریلمالیدیر!
بو حاقدا گئچن ایل بیر یازی یازمیشدیم(قوتسال، تاريخي و ابدي آذربايجان آدي)؛ او یازینی عئینی ایله تکرار ائتمگی فایدالی گؤرورم:
تورکون دوشمانی: غفلت ، بیلینجسیزلیک(شعورسوزلوق)، میللی و تاریخی حافیظهنین یوخلوغو
«اوغوزون دوشمانی یوخودور» دئییر قورقوت آتامیز، آمما منجه عادیجه یوخو آنلامینی قصد ائتمیر، غفلت یوخوسو، بیلینجسیزلیک، میللی و تاریخی حافیظهنین یوخلوغونو اوغوز تورکلرینین دوشمانی بیلسهک داها دوزگون اولار.
تورک تاریخینین اؤنملی گونلری اونودولمامالیدیر
22 فروردین 1372 قوتسال آذربایجان آدینین اردبیل، خییاو، خالخال و موغان ماحاللاریندان قالدیریلماسینین ایل دؤنومودور. فعال تورک وئبلاگلاری آراسیندا آنایوردوم وئبلاگی آنایوردوموزون قوتسال آدینی قایتارین و Güney Azərbaycan Öyrənci Hərəkatı وبلاگی اردبیل تورک ویلایتینه آذربایجان ابدی آدینی قایتاریش کومیتهسی – آذربایجان، ان بویوک ناموسوموزدور یازیلارینی اوخومانیزی تؤوصیه ائدیرم. گرچکدن گؤزل و گوجلو یازیلاردیرلار.
آد دگیشدیرمه سیاستی آسیمیلاسیون سیاستینین بیر پارچاسیدیر
آذربایجان آدینین تورک یوردلاریندان قالدیریلماسی، ایللردیر یورودوله گلن فارس فاشیسم-راسیسمینین ان ایگرنج سیاستلریندن بیری اولدوغونا اینانیرام. بو سیاست نتیجهسینده بو گون آذربایجان تورکلرینین اکثریت حالدا یاشادیغی اردبیل، شرقی آذربایجان، غربی آذربایجان، زنگان، قزوین، قوم، مرکزی، همدان و تهران و آذربایجان تورکلرینین اقلیت حالدا یاشادیقلاری کیرمانشاه، کوردیستان و گیلان جمعا 12 ویلایتی(استان) ایچینه آلیر. بو آد دگیشدیرمهده سیاستی نتیجهسینده 12 ویلایتدن یالنیز 2سینده آذربایجان آدینین رسمی اولاراق یاشادیغینی گؤروروک.
بونلاری باغیراراق یازیرام:
قوتسال، تاریخی و ابدی آذربایجان آدی قایتاریلمالیدیر
قوتسال، تاریخی و ابدی آذربایجان آدی «بیتیشیک قوزئی-باتی تورک یوردو-آذربایجان(گونئی آذربایجان/ ایران آذربایجانی)»ین هامیسینا قایتاریلمالیدیر.
اعاده نام مقدس، تاریخی و ابدی آذربایجان بر تمامی نقاط «منطقه زیست پیوسته ترکان شمال غرب ایران(آذربایجان ایران/آذربایجان جنوبی)» ضروری است.
آذربایجان هارادیر و اونون سینیرلارینی نه عامیل تعیین ائده بیلر؟
بیتیشیک قوزئی-باتی تورک یوردو-آذربایجان(گونئی آذربایجان/ ایران آذربایجانی)دا تورکجهنین دانیشیلدیغی و تورکلرین توپلو حالدا یاشادیغی یئر آذربایجان دیر.
آذربایجان ایران شامل هر نقطهای از «منطقه زیست پیوسته ترکان شمال غرب ایران(آذربایجان ایران/آذربایجان جنوبی)» است که در آنجا ترکها ساکنند و به زبان ترکی صحبت میکنند.
Entry filed under: میللی شوعور, گونئی آزربایجان, آزربایجان. Tags: اردبیل ویلایتی.
1. کیومرث | آوریل 14, 2008 در 3:34 ب.ظ.
آذربایجانین ان بویوک گوزه ل لیگی دئمک اونون یئتیشدیردیی ایگیت لر و قهرمان قیز گلین لری اولموش دور . دئمه لی بو اولکه ده یئتیشن هر بیر عالیم و تدقیقات چی بو اولکه نین افتخاری اولوب دور . بهزاد بهزادی – محمد علی فرزانه – صمد سرداری نیا و س .